Mostrando entradas con la etiqueta Primeiro Ciclo. Mostrar todas las entradas
Mostrando entradas con la etiqueta Primeiro Ciclo. Mostrar todas las entradas

Encontro poético: Chuvia de versos

Hoxe todas e todos os do 1º ciclo estivemos na Biblioteca Infantil de Durán Loriga.
Alí compartimos un tempo e moitos versos con Yolanda Castaño. Facíanos moita ilusión... e aínda máis ao sabermos que ela estudiou no noso cole cando veu vivir a Coruña.
Amosounos os seus libros e leunos poemas. Algún deles ben o coñeciamos nós e mesmo nos atrevimos a recitarllo con algunha variante:
       COMO EU XA SEI LER,
       MOITOS LIBROS QUERO TER.
       AS PALABRAS A VOAR
       POLO AIRES VOU BOTAR



Os alumnos do 2º ciclo tamén asistimos a un encontro poético coa escritora María Canosa e mergullámonos no imaxinario acuario que co seus versos fíxonos sentir a beleza da poesía.



Os do 3º ciclo fomos á Biblioteca a un encontro con Concha Blanco. Falounos de literatura oral e ensinounos a facer poesias a partir de palabras elixidas ao chou.



Sons de África

O Papá de Rosalía de "Pitiños"e de Elba de 1º A, tivo a xentileza de compartir con todos nós as súas habilidades interpretativas co tambor.


De todas as grandes culturas musicales do mundo, a africana é a que posúe a maior variedade de tambores. Hainos para todas as ocasións e se diferencian entre sí, polo tamaño, a forma, o material de que están construídos e polas técnicas e o xeito de tocalos.

Carlos fixo unha pequena exhibición de como a sonoridade dos tambores pode simbolizar a voz e o comportamento de diferentes animais da sabana. Aportou a medida do ritmo para acompañarnos cantando "Jambo Bwana" e permitiunos executar diferentes ritmos e percutir sobre eles con gran intensidade.


Dámoslle as  grazas a Carlos Meléndrez  por proporcionarnos unha experiencia tan interesante!



GUÍA DE LECTURAS 2011-2012

Desde a Biblioteca escolar achegamos esta pequena Guía de lecturas.
Recolle libros de recente aparición ou novamente reeditados e que nos parecen dignos de caer nas mans das nenas e nenos. 
Algúns deles, ademais, gardan relación con África: un continente que ha ter moito protagonismo no noso colexio no vindeiro trimestre.
Todos eles están expostos na estantería do vestíbulo, por se queredes botarlles unha ollada.


Desexásmovos a tod@s un ano cheo de ledicia...e boas lecturas!
 




O Ramón de la Sagra arrasa no Calvo Sotelo!!

Parabéns ás rapazas e rapaces de 6º e de 3º que gañaron hoxe o 3º e 2º premio respectivamente do festival de playback celebrado no centro Calvo Sotelo!!
Moitísimas grazas a todas as profes e alumn@s que viñeron vernos e estiveron alí connosco, apoiándonos e dándonos agarimos. 
Tamén a tod@s aqueles e aquelas que quixeran ter estado pero non puideron, e por suposto a todos os pais, nais e demais familiares que se portaron de forma excepcional, axudándonos en todo o posible e animando aos seus fillos e fillas como solo eles/as saben facer. GRAZAS A TOD@S!
Por último, e non por iso menos importante, GRAZAS a todas as bailarinas e bailaríns por facernos pasar tan bo rato e deixar ao cole en tan boa posición.
Para nós, independentemente do posto no que quedarades, sodes TOD@S @s número 1, FENÓMEN@S!!


En canto teñamos as fotos do certame as iremos poñendo no blogue. Estade atent@s!

A visita de Carapuchiña Vermella e o seu amigo Pablo, o Trombonista de Hamelín

O pasado venres 25 de febreiro, os nenos e nenas de Educación Infantil e 1º de primaria tivemos unha grande sorpresa na biblioteca do colexio: a visita de Carapuchiña Vermella e o seu amigo Pablo, o Trombonista de Hamelín.
Quedamos bastante sorprendidos e admirados coa súa presenza porque Carapuchiña xa non é unha nena. ¡Agora é unha moza a quen lle encanta patinar!.


Carapuchiña contounos que segue paseando e disfrutando do bosque como cando era pequena, coa súa carapucha vermella. Pero na súa cesta xa non hai mazás nin biscoito. Agora leva libros sobre os bosques cos que aprender sobre eles e contos fermosos que xiran arredor da espesura das árbores e os seus máxicos habitantes.
Explicounos tamén que anda un pouco preocupada pola conserva dos bosques nos que medrou e onde vivíu tantas aventuras. Por iso, decidíu visitarnos, para invitarnos a investigar nas nosas aulas sobre eles.
Aceptamos encantados, así que nas próximas semanas traballaremos e aprenderemos sobre este tema.


Gustounos tanto, tanto, tanto a visita de Carapuchiña e a música de Pablo que non os deixabamos marchar.  
Moitas grazas!