As familias, alumnos e profesoras, encargadas
do teatro, tivemos unha cita o sábado 20 de xuño ás cinco e ás oito da tarde no
Calvo sotelo. Chegábamos todos
alporizados, polo tempo que nos esperaba, antes de saber o resultado das
votacións.
Ás cinco da tarde os nenos de 2º A saberían o
seu resultado. Antes presentaron a actriz Sheyla Fariña e as actuacións dun
mago e grupos de baile.
Ás oito da tarde tocaríalle aos de 5º nivel
coas súas obras “O documento “ e “ Percebes para a crise”.
A
tarde transcurriu amena polo vistoso dos espectáculos e a algarabía dos
espectadores; especialmente cheo o aforo na segunda sesión, por ser moitos os
grupos participantes.
O
resultado final foi o seguinte: “A ratiña presumida”de 2º A acadou o 4º premio
e sete actores e actrices destacados. “Percebes para a crise” o quinto premio e
seis actores destacados.” O documento”, aínda que non obtivo premio tamén tivo
actores destacados.
Todos recibimos felices as estatuillas e diplomas que recoñecen o traballo e o
interese dos nenos que son os principais protagonistas do evento. A competencia
era forte, pero logramos saír airosos. O ano que vén, máis. Parabéns a todos os
que co seu esforzo fan que o teatro continúe a súa andadura, ano tras ano.
No hay comentarios:
Publicar un comentario